Brauð með sultu. S-NS
Norður | |
♠ÁDG | |
♥Á5 | |
♦1073 | |
♣96432 |
Vestur | Austur |
♠8732 | ♠1065 |
♥DG1084 | ♥9632 |
♦Á86 | ♦K4 |
♣8 | ♣DG105 |
Suður | |
♠K94 | |
♥K7 | |
♦DG952 | |
♣ÁK7 |
Suður spilar 3G.
Eitt grand í suður, þrjú grönd í norður og hjartadrottningin út. Þetta er það sem Englendingar kalla „bread and butter bridge“ Hversdagsleikinn uppmálaður. Eða hvað – er kannski smásulta í boði?
Eitt er víst: eftir útspilið vinnst enginn tími til að sækja tígulinn. En laufið fríast í einu höggi ef það liggur þrjú-tvö og líkur á því eru allgóðar, eins og spilarar þekkja mæta vel (68%). Fjögur-eitt legan (28%) er óviðráðanleg, nema í aleinu tilfelli: þegar vestur á nákvæmlega blanka áttu. Það er sultudropinn í krukkunni.
Að þessu athuguðu er rétt að taka fyrsta slaginn í borði og húrra út laufníunni!
Líkur á þessari legu eru ekki miklar (2,8%) en bragðið er gott þegar það finnst.