Messur

AKRANESKIRKJA | Messa kl. 14. Prestur Jón Ragnarsson. Kirkjukórinn og Sveinn Arnar Sæmundsson organisti leiða söng.

AKUREYRARKIRKJA | Mæðradagsmessa kl. 11. Kvennakór Akureyrar og Kvennakór Háskóla Íslands syngja undir stjórn Sigrúnar Mögnu Þórsteinsdóttur. Ásthildur Sturludóttir bæjarstjóri prédikar. Prestur er Hildur Eir Bolladóttir.

AKURINN kristið samfélag | Samkoma kl. 14. Biblíufræðsla, söngur og bæn.

ÁRBÆJARKIRKJA | Fjölskylduguðsþjónusta kl. 11. Brúðuleikhús, Biblíusaga og söngur. Sr. Petrína Mjöll Jóhannesdóttir og Anna Sigríður Helgadóttir leiða stundina. Benjamín Gísli Einarsson leikur á flygilinn.

ÁSKIRKJA | Guðsþjónusta kl. 14. Félagar úr Átthagafélagi Sléttuhrepps taka þátt. Ræðumaður verður Sveinn Þráinn Jóhannesson, ættaður frá Sæbóli í Aðalvík. Sigurður Jónsson sóknarprestur þjónar fyrir altari. Kór Áskirkju syngur, Bjartur Logi Guðnason leikur á orgel. Kaffisala Aðalvíkinga í Ási, safnaðarheimili Áskirkju að guðsþjónustu lokinni. Verð kr. 1.500 á mann. Athugið breyttan messutíma.

ÁSTJARNARKIRKJA | Fjölskylduguðsþjónusta kl. 11. Kirkjukórinn og barnakór kirkjunnar syngja undir stjórn Keiths Reed tónlistarstjóra. Prestar kirkjunnar, Arnór Bjarki Blomsterberg og Kjartan Jónsson, annast fræðslu og altarisþjónustu. Að lokinni guðsþjónustu verður grill og hoppukastalar.

BESSASTAÐAKIRKJA | Vorhátíð barnanna kl. 11. Lærisveinar Hans leiða lofgjörðina. Svo verður haldið í Brekkuskóga 1. Þar verða grillaðar pylsur, hoppukastali og andlitsmálun.

Síðdegisguðsþjónusta kl. 17 og fundur með foreldrum fermingarbarna sem fermast vorið 2020. Lærisveinar Hans spila, organisti Árni Heiðar, Margrét djákni og sr. Hans Guðberg.

BREIÐHOLTSKIRKJA | Fermingarmessa kl. 11. Prestur Magnús Björn Björnsson. Kór Breiðholtskirkju syngur, organisti er Örn Magnússon. Aðalsafnaðarfundur að lokinni messu. Ensk bænastund kl. 14. Prestur Toshiki Toma.

BÚSTAÐAKIRKJA | Göngumessa kl. 11 undir leiðsöng Daníels Ágústs. Gengið í Elliðaárdalinn um klukkustund og áð á nokkrum stöðum með ritningarlestri og hugleiðingu. Hressing í safnaðarheimilinu á eftir.

DIGRANESKIRKJA | Messa kl. 11. Prestur Bára Friðriksdóttir. Söngvinir, kór eldri borgara í Kópavogi, syngur undir stjórn Kristjáns Hrannars Pálssonar. Rosemary Ramses Oduor syngur einsöng. Veitingar í safnaðarsal að messu lokinni, þar sem safnað verður fyrir fótboltadrengjum frá Got Agulu til að komast á Rey Cup í Laugardal.

Dómkirkja Krists konungs, Landakoti | Messa á sunnud. kl. 8.30 á pólsku, kl. 10.30 á íslensku, kl. 13 á pólsku og kl. 18 á ensku. Virka daga kl. 18, og má. mi. og fö. kl. 8, lau. kl. 16 er vigilmessa á spænsku og kl. 18 er vigilmessa.

DÓMKIRKJAN | Messa kl. 11. Prestur Sveinn Valgeirsson, Dómkórinn og Kári Þormar dómorganisti. Aðalfundur dómkirkjusafnaðarins efir messu eða kl. 12.30 í safnaðarheimilinu, Lækjargötu 14a. Kaffi og kleinur.

EGILSSTAÐAKIRKJA | Messa kl. 10.30. Einkum sungnir sálmar og önnur andleg ljóð og lög eftir Egilsstaðabúann Hrein Halldórsson. Prestur Þorgeir Arason. Organisti Torvald Gjerde. Kór Egilsstaðakirkju syngur. Harmonikuleikur: Hreinn Halldórsson og Torvald Gjerde. Kaffi eftir messu.

FELLA- og Hólakirkja | Guðsþjónusta kl. 11. Sr. Sigurjón Árni Eyjólfsson þjónar. Kvennakórinn Cantabile syngur við guðsþjónustuna undir stjórn Margrétar Pálmadóttur og Arnhildur Valgarðsdóttir spilar undir.

FRÍKIRKJAN Hafnarfirði | Fjölskylduhátíð í Hellisgerði. Skrúðganga fer af stað frá kirkjunni kl. 11. Lúðrasveit Hafnarfjarðar leiðir gönguna. Hljómsveit Fríkirkjunnar leiðir dagskrána í Hellisgerði og á eftir verður boðið upp á grillaðar pylsur.

GLERÁRKIRKJA | Messa og sunnudagaskóli kl. 11. Sameiginlegt upphaf í messu. Sr. Guðmundur Guðmundsson þjónar. Kór Glerárkirkju leiðir söng undir stjórn Valmars Väljaots organista. Umsjón með sunnudagaskóla: Sunna Kristrún djákni.

GRAFARVOGSKIRKJA | Félag hjúkrunarfræðinga býður til guðsþjónustu klukkan 11 á alþjóðadegi hjúkrunarfræðinga. Sr. Svanhildur Blöndal þjónar og Rósa Kristjánsdóttir djákni prédikar. Hátíðarkór hjúkrunarfræðinga syngur undir stjórn Bjargar Þórhallsdóttur sem syngur einsöng. Kristín Sigurjónsdóttir leikur á fiðlu og Hilmar Örn Agnarsson er organisti. Sunnudagaskóli á neðri hæð kl. 11. Pétur Ragnhildarson hefur umsjón og Stefán Birkisson leikur á píanó.

GRENSÁSKIRKJA | Messa kl. 11. Kirkjukór Grensáskirkju leiðir söng, organisti er Ásta Haraldsdóttir. Messuhópur þjónar ásamt sr. Maríu Ágústsdóttur. Verðandi mæður sérstaklega velkomnar á mæðradaginn. Kaffi fyrir og eftir messu.

Miðvikudagur 15. maí kl. 12.30-18: Ferð í Reykholt í Borgarfirði. Skráning í síma 528 4410 í síðasta lagi fyrir hádegi 13. maí. Verð kr. 3.500.

GUÐRÍÐARKIRKJA í Grafarholti | Fermingarguðsþjónusta kl. 10.30. Prestur Leifur Ragnar Jónsson, organisti Hrönn Helgadóttir og kór Guðríðarkirkju syngur undir hennar stjórn. Meðhjálparar Guðný Aradóttir og Bryndís Böðvarsdóttir. Kirkjuvörður Lovísa Guðmundsdóttir.

HAFNARFJARÐARKIRKJA | Messa og fermingarafmælishátíð kl. 11. Þeim sem fermdust í kirkjunni fyrir 50, 60, 70 og 80 árum er boðið að koma. Fulltrúar afmælisárganganna flytja hugvekju og lesa. Jón Helgi og Þórhildur annast prestsþjónustu, Þorvaldur Örn Davíðsson leikur á orgelið og félagar úr Barbörukórnum syngja. Á eftir snæða fermingarafmælisgestir hádegisverð í safnaðarheimilinu sem kostar kr. 2.500 og þarf að tilkynna þátttöku í síma 5205700.

HALLGRÍMSKIRKJA | Messa og barnastarf kl. 11. Dr. Sigurður Árni Þórðarson prédikar og þjónar fyrir altari. Messuþjónar aðstoða. Félagar úr Schola cantorum syngja. Thelma Hrönn Sigurdórsdóttir syngur einsöng. Organisti er Björn Steinar Sólbergsson. Umsjón með barnastarfi hafa Inga Harðardóttir, Rósa Árnadóttir og Ragnheiður Bjarnadóttir. Kaffisopi í Suðursal eftir messu.

HÁTEIGSKIRKJA | Messa kl. 11 með léttu sniði. Kordía, kór Háteigskirkju, syngur undir stjórn Guðnýjar Einarsdóttur organista. Prestur er Helga Soffía Konráðsdóttir. Grill og samfélag á eftir í garði kirkjunnar. Aðalsafnaðarfundur Háteigssóknar hefst í safnaðarheimili kl. 12.30.

Hjúkrunarheimilið Skjól | Guðsþjónusta kl. 13. Sigurður Jónsson sóknarprestur prédikar og þjónar fyrir altari. Organisti Bjartur Logi Guðnason. Almennur söngur. Vinir og vandamenn heimilisfólks velkomnir.

HVÍTASUNNUKIRKJAN Fíladelfía | Samkoma kl. 11. Translation into English. Samkoma á spænsku kl. 13. Reuniónes en español. Samkoma á ensku kl. 14. English speaking service. Lofgjörðarkvöld Fíló+ kl. 20.

ÍSLENSKA Kristskirkjan | Samkoma kl. 13 með lofgjörð, fyrirbænum og barnastarfi. Gestir frá Færeyjum í heimsókn og Jógvan Steintún predikar. Kaffi að samverustund lokinni.

KÁLFATJARNARKIRKJA | Árlegur kirkjudagur Kálfatjarnarkirkju. Hátíðarguðsþjónusta kl. 14. Kór Kálfatjarnarkirkju syngur undir stjórn Elísabetar Þórðardóttur organista. Skólakór Stóru-Vogaskóla syngur undir stjórn Alexöndru Chernyshovu. Magnús E. Kristjánsson fv. forseti kirkjuþings prédikar. Sr. Arnór Bjarki Blomsterberg og sr. Kjartan Jónsson þjóna fyrir altari. Fermingarbörn fyrri ára sérstaklega velkomin. Kaffisala Kvenfélagsins Fjólu í Álfagerði á eftir.

KEFLAVÍKURKIRKJA | Fermingarmessur kl. 11 og kl. 14. Heiðarskólaskólabörn fermd af sr. Fritz Má Jörgenssyni og sr. Erlu Guðmundsdóttur. Kór Keflavíkurkirkju syngur við athafnirnar undir stjórn Arnórs Vilbergssonar organista.

KÓPAVOGSKIRKJA | Messa kl. 11. Sigurður Arnarson sóknarprestur prédikar og þjónar fyrir altari ásamt Ástu Ágústsdóttur djákna. Kór Kópavogskirkju syngur undir stjórn Lenku Mátéová, kantors kirkjunnar. Væntanleg fermingarbörn 2020 og forráðamenn þeirra eru boðin sérstaklega til messunnar. Að lokinni messu verður aðalsafnaðarfundur Kársnessóknar í safnaðarheimilinu Borgum.

LANGHOLTSKIRKJA | Messa kl. 11. Magnús Ragnarsson organisti leikur á orgelið og félagar úr Fílharmóníunni syngja. Sr. Ása Laufey Sæmundsdóttir héraðsprestur þjónar ásamt messuþjónum og kirkjuverði. Léttur hádegisverður eftir messu.

LAUGARNESKIRKJA | Messa og sunnudagaskóli klukkan 11. Sr. Hjalti Jón Sverrisson þjónar og félagar í kór Laugarneskirkju leiða sálmasöng undir stjórn Arngerðar Maríu Árnadóttur organista. Sunnudagaskóli í umsjón Emmu, Garðars og Gísla. Kaffi í safnaðarheimili á eftir.

Þriðjudag 14. maí kl. 20 verður kyrrðarbæn í kirkjunni.

Fimmtudag 16. maí helgistund í Hátúni 10 kl. 16.

LINDAKIRKJA í Kópavogi | Sunnudagaskóli kl. 11. Samverustund, tónlist og sögur. Guðsþjónusta kl. 20. Unglingagospelkór Lindakirkju syngur undir stjórn Áslaugar Helgu og Óskar Einarsson annast meðleik á píanó. Séra Dís Gylfadóttir þjónar. Að lokinni guðsþjónustu verða drengir úr Fjölgreinastarfi Lindakirkju að selja vöfflur og annað góðgæti.

NESKIRKJA | Messa og barnastarf kl. 11. Sameiginlegt upphaf. Félagar úr Kór Neskirkju leiða safnaðarsöng. Organisti Steingrímur Þórhallsson. Prestur Skúli S. Ólafsson. Söngur í barnastarfinu. Umsjón Katrín Helga Ágústsdóttir, Gunnar T. Guðnason og Ari Agnarsson. Samfélaga og kaffisopi á Torginu eftir messu.

SALT kristið samfélag | Sameiginlegar samkomur Salts og SÍK kl. 17 í Kristniboðssalnum Háaleitisbraut 58-60, 3. hæð. Yfirskrift: Ávextir. Ræðumaður: Jón Kristinn Lárusson. Barnastarf. Túlkað á ensku.

SELFOSSKIRKJA | Fermingarmessa laugardag 11. maí kl. 11 og sunnudag 12. maí kl. 11. Kirkjukórinn og raddir úr Unglingakórnum syngja, organisti Ester Ólafsdóttir. Prestar Guðbjörg Arnardóttir og Ninna Sif Svavarsdóttir.

SELJAKIRKJA | Guðsþjónusta kl. 11. Sr. Ólafur Jóhann Borgþórsson predikar og þjónar fyrir altari. Félagar úr Kór Seljakirkju leiða söng. Organisti: Tómas Guðni Eggertsson.

SELTJARNARNESKIRKJA | Messa kl. 11. Mæðradagurinn. Sóknarprestur þjónar. Organisti kirkjunnar leikur á orgelið. Þóra H. Passauer leiðir almennan safnaðarsöng. Kaffiveitingar og samfélag eftir athöfn í safnaðarheimilinu.

SKÁLHOLTSDÓMKIRKJA | Messa kl. 11. Egill Hallgrímsson sóknarprestur annast prestsþjónustuna. Organisti er Jón Bjarnason.

VILLINGAHOLTSKIRKJA í Flóa | Þjóðbúningamessa kl.13.30. Hvetjum við alla sem eiga þjóðbúning síns heimalands að mæta í honum. Pálínuboð/messukaffi í Þjórsárveri að lokinni messu. Kór Hraungerðis- og Villingaholtssókna leiðir söng, organisti er Ingi Heiðmar Jónsson og prestur Guðbjörg Arnardóttir.

VÍDALÍNSKIRKJA | Vorhátíð kl. 11-13. Barnakór Vídalínskirkju og unglingakór Vídalínskirkju syngja. Brúðuleikrit, stuttmynd frá TTT frumsýnd, nýtt myndband með barnakórnum frumsýnt, Sirkus Íslands, andlitsmálning, grillaðar pylsur og hoppukastalar.

VÍÐISTAÐAKIRKJA í Hafnarfirði | Messa kl. 11. Kór Víðistaðasóknar syngur og Stefán Már Gunnlaugsson héraðsprestur þjónar fyrir altari. Hressing í safnaðarsal á eftir.