Áhugasöm Nemendur í Háskóla unga fólksins á námskeiði í blaða- og fréttamennsku í Veröld húsi Vigdísar í gær.
Áhugasöm Nemendur í Háskóla unga fólksins á námskeiði í blaða- og fréttamennsku í Veröld húsi Vigdísar í gær. — Morgunblaði/Arnþór Birkisson
Styrmir Ólafsson sem fer í 8. bekk í haust ætlar að sitja tíma í skurðlækningum og forritun. Hann segir móður sína hafa pantað fyrir hann í Háskóla unga fólksins og valið fögin. Hann hefði alveg kosið að fara ekki í nám strax að loknum skóla en hann hlakki samt til að kynnast nýjum hlutum.
Óliver Bjarkason sem var að klára 7. bekk var nýkominn úr spænskutíma og á leiðinni í áfanga sem heitir furðuleg form og tengist formum og stærðfræði. Hann valdi fagið vegna þess að hann langar til að verða arkitekt í framtíðinni. Anya Maria Mosty var að koma úr í frönskutíma og á leið í blaða- og fréttamennsku. Anya María segir áhugavert að sjá hvernig vinna við blaða- og fréttamennsku fari fram. Á fimmtudag sem er þemadagur fara Óliver og Anya María saman í listir og lífsleikni njótum lífsins. Þau hafa hvorugt komið áður í Háskóla unga fólksins. Óliver segist vilja nota sumarfríið frá grunnskólanum til að læra meira af því að hann hafi gaman af því og Anya María segir að vinkona hennar sem búin var að prófa Háskóla unga fólksins hafi sagt að það væri skemmtilegt að fara í hann og svo finnst Anyu Maríu einnig gaman að prófa eitthvað nýtt.
[ Smellið til að sjá stærri mynd ]
Guðrún Erlingsdóttir ge@mbl.is Háskóli unga fólksins var settur í 16. sinn í gærmorgun, en skólinn fagnar nú 15 ára afmæli.

Guðrún Erlingsdóttir

ge@mbl.is

Háskóli unga fólksins var settur í 16. sinn í gærmorgun, en skólinn fagnar nú 15 ára afmæli.

Kristín Ása Einarsdóttir, skólastjóri Háskóla unga fólksins, segir að einu sinni á ári í tæpa viku sé Háskóli Íslands opnaður fyrir ungu kynslóðinni. Kristín segir Háskóla unga fólksins vera í raun samfélagsverkefni sem gefi krökkum skráargat inn í fræðin. Krakkarnir fái að upplifa vísindin með fræðimönnum Háskóla Íslands og kynnast í leiðinni ólíkum fræðagreinum af öllum fræðasviðum háskólans, kynnast háskólasvæðinu og upplifa alls konar skemmtilega hluti.

370 krakkar á aldrinum 12 til 16 ára komast að í Háskóla unga fólksins. Aðsókn í skólann er mikil og öll pláss fyllast um leið og opnað er fyrir skráningu.