Indversk vörn. S-AV Norður &spade;KD72 &heart;108 ⋄K4 &klubs;108754...

Indversk vörn. S-AV

Suður spilar 3G.

Indverjinn Ajay Khare var hæverskur að koma ekki inn á spaða við sterkri laufopnun suðurs. En fyrir vikið fékk hann greinargóðar upplýsingar um spil sagnhafa og hitti á gott útspil.

Eftir byrjunina lauf-tígul-grand spurði norður um háliti, fékk upp fjórlit í hjarta og stökk þá í 3G. Þar með var ljóst að norður átti fjórlit í spaða og suður alla vega tvo. Útspil þar kom því ekki til greina og Khare lagði af stað með ♣6. Góð byrjun, en langt i land, eigi að síður.

Makker hans Raju Tolani tók á ♣Á og spilaði tvistinum til baka á drottningu og kóng Khare. Tími til að taka stöðuna upp á nýtt. Fimmta slaginn varð byggja upp í hjarta í hvelli og Khare skipti öskuvandað yfir í lítið hjarta – átta, nía og drottning. Þegar Tolani komst nokkru síðar inn á ♣G gat hann þrumað ♥G í gegnum kónginn og gleypt tíuna í leiðinni.