Vilja sín eigin verðlaun

Kvikmyndir Áhættuleikarar eru ekki sáttir við stöðu sína í kvikmyndaheiminum. Að þeirra mati fá þeir ekki þá virðingu sem þeir eiga skilið. Áhættuleikararnir krefjast þess að komið verði á sérstökum verðlaunum á Óskarsverðlaunahátíðinni sem heiðra á hverju ári bestu frammistöðu áhættuleikara. Hafa einstaka leikarar verið heiðraðir á hátíðinni en okkar menn vilja árleg verðlaun sem keppt er um. Í ár sniðgengu áhættuleikararnir hátíðina en þeir íhuga að mótmæla á þeirri næstu. Samkvæmt reglum akademíunnar þarf þó að setja á sérstaka deild innan hennar svo að verðlaunin geti litið dagsins ljós.