Bjarni Benediktsson, fjármála- og efnahagsráðherra, Ohad Bashan, stjórnarformaður Algaennovation, Berglind R. Ólafsdóttir, framkvæmdastjóri ON, Elliði Vignisson, bæjarstjóri í Ölfusi, og Pétur Þ. Óskarsson, framkvæmdastjóri Íslandsstofu, klipptu á borða við opnunina.
Bjarni Benediktsson, fjármála- og efnahagsráðherra, Ohad Bashan, stjórnarformaður Algaennovation, Berglind R. Ólafsdóttir, framkvæmdastjóri ON, Elliði Vignisson, bæjarstjóri í Ölfusi, og Pétur Þ. Óskarsson, framkvæmdastjóri Íslandsstofu, klipptu á borða við opnunina.
Bjarni Benediktsson fjármála- og efnahagsráðherra flutti tölu við opnunarathöfnina í gær.
Isaac Berzin er frumkvöðullinn að baki Algaennovation.
Elliði Vignisson og Ohad Bashan ræddu saman við opnunina.
Í verksmiðjunni má framleiða prótín til manneldis á þúsund sinnum minna landsvæði en þyrfti ef sama magn væri framleitt með ræktun sojabauna sem þó þykja einna skilvirkastar frá umhverfissjónarmiðum.
Fjölmenni var við opnun smáþörungaverksmiðjunnar í Ölfusi.
Slegið var á létta strengi við opnunina og var notast við vinnulyftu til að færa fólk nær framleiðslunni sem er tilkomumikil og sækir rafmagn, heitt og kalt vatn, auk koltvísýrings, beint frá jarðvarmavirkjun ON á Hellisheiði.
[ Smellið til að sjá stærri mynd ]
Hátæknifyrirtækið Algaennovation opnaði í gær fyrsta áfanga nýrrar smáþörungaverksmiðju í Ölfusi. Er verksmiðjan fyrsta verkefnið í Jarðhitagarði ON á svæðinu.

Hátæknifyrirtækið Algaennovation opnaði í gær fyrsta áfanga nýrrar smáþörungaverksmiðju í Ölfusi. Er verksmiðjan fyrsta verkefnið í Jarðhitagarði ON á svæðinu. Fyrirtækið kaupir rafmagn, heitt vatn og kalt, auk koltvísýrings, beint frá jarðvarmavirkjun ON á Hellisheiði.

Í verksmiðjunni eru ræktaðir smáþörungar með mjög skilvirkum hætti en markmið Algaennovation er að breyta orku í fæðu. Starfsemin er kolefnisneikvæð, þ.e. umbreytir meiri koltvísýringi í súrefni en fylgir starfseminni. Fyrsta framleiðsla fyrirtækisins er fóður fyrir eldisseiði, náttúruleg litaefni fyrir matvælaframleiðslu og fæðubótarefni.

Fyrirtækið er í eigu íslenskra og ísraelskra fjárfesta.