Prófessor Muller. V-Allir
Norður | |
♠K106 | |
♥K5 | |
♦1072 | |
♣KD864 |
Vestur | Austur |
♠82 | ♠D97 |
♥G43 | ♥D109872 |
♦ÁK984 | ♦D3 |
♣G102 | ♣Á3 |
Suður | |
♠ÁG543 | |
♥Á6 | |
♦G65 | |
♣975 |
Suður spilar 3♠.
Hollendingurinn skarpleiti, Bauke Muller, á það til að detta í djúpan trans við spilaborðið. Hann er þá að hugsa. Samlandar Mullers kalla hann „prófessorinn“ í virðingarskyni enda vita þeir af reynslu að Muller kemst oftast að réttri niðurstöðu.
Prófessor Muller og Svíinn Fredrik Nyström spiluðu báðir 3♠ í innbyrðis viðureign þjóðanna á HM. Sagnir voru keimlíkar: Vestur passaði, norður opnaði og austur kom inn á hjartasögn. Suður sýndi spaðann, vestur tók sterkt undir hjartað og baráttunni lauk svo í 3♠. Tígulásinn út og hjarta í öðrum slag.
Báðir sagnhafar hittu í spaðann, tóku á kóng og svínuðu fyrir drottninguna í austur. Nyström spilaði svo laufi á kóng og fór einn niður: gaf tvo á lauf og þrjá á tígul. Muller hugsaði sig lengi um og djúpsvínaði síðan fyrir ♣G10x. Yfirslagur.
En af hverju? Nú, vestur passaði í byrjun.