Sætisbræður. S-AV Norður &spade;ÁG7 &heart;D102 ⋄G953 &klubs;Á109...

Sætisbræður. S-AV

Suður spilar 4♥.

Kannski gat Pólverjinn Jacek Kalita gert betur í spili gærdagsins, en hér stóð hann sig með mikilli prýði – og raunar betur en hinn hollenski sætisbróðir hans á hinu borðinu, Louk Verhees. Þeir spiluðu báðir 4♥.

Kalita fékk út ♦4, sem gat verið hvort heldur frá lengd eða hærra frá tvíspili. Hann setti upp gosann og drap drottningu austurs með ás. Fór svo strax í trompið. Vestur dúkkaði einu sinni, tók næsta slag á ♥Á og spilaði ♦2 – lítið, átta og kóngur. Sagnhafi getur nú byggt upp slag á ♦9 og ef hann fær annan á lauf er björninn unninn. Kalita spilaði ♣D og náði að fría þar slag án útgjalda. Þá þurfti bara að gefa slag á tígul og leggja upp.

Verhees fékk út lauf frá kóngnum, sem hann hleypti á drottninguna heima. Fljúgandi start, en vörnin trompaði út og fékk á endanum þrjá slagi á spaða í staðinn fyrir tígulslaginn. Einn niður.