Pólsk einstefna. N-AV Norður &spade;10765 &heart;KD9854 ⋄K...

Pólsk einstefna. N-AV

Suður spilar 3G.

Staðan í HM-úrslitaleik Hollands og Póllands var nánast jöfn eftir þrjár lotur af sex (91-90). En fjórða lotan var pólsk einstefna (58-8) og lagði grunninn að þægilegum sigri.

Ekki svo að skilja að hollenska liðið hafi spilað fjórðu lotuna illa. Pólverjar voru einfaldlega í bullandi stuði. Eins og hér. Kalita og Nowosadzki náðu að spila 3G með níu-spila fitt í hjarta. Nowo vakti á 1♥, Kalita krafði í geim með 2♣ (gervisögn), Nowo sýndi lágmark með 2♥, Kalita sagði 2G og Nowo 3♦. „Ég hef ekki hugmynd um hvað þrír tíglar þýða,“ skrifaði hinn annars margfróði Al Hollander á BBO. En alla vega – Kalita sagði 3G og tók sína upplögðu níu slagi.

Hinum megin spilaði de Wijs 4♥ í norður með ♣Á út frá Narkiewicz. Buras lét tíuna undir (frávísun með hliðarkallsívafi?) og Narkiewicz skipti yfir í lítinn spaða frá ♠ÁDx. Glæsilegt!