Stíll Georgina Grenville er þannig að hún klæðist dökkum fatnaði og áberandi skóm við.
Stíll Georgina Grenville er þannig að hún klæðist dökkum fatnaði og áberandi skóm við.
Georgina Grenville er sérlega góð í að skyggja andlit sitt rétt.
Georgina Grenville leggur rækt við náttúrulegt útlit sitt. Hún lætur vera að umbreyta útlitinu með aðstoð lýtalækna.
Georgina Grenville tók sér frí frá fyrirsætustörfum í árabil á meðan hún fæddi þrjú börn. Hún býr nú ásamt fjölskyldu sinni í París.
Georgina Grenville er glæsileg í strákalegum hversdagsstíl.
Fyrirsætan Georgina Grenville var ein sú vinsælasta á tíunda áratug síðustu aldar. Hún hefur nýverið stigið fram aftur 43 ára að aldri.
Georgina Grenville klædd í anda Studio 54 frá því á áttunda áratug síðustu aldar.
Stórar yfirhafnir og rúllukragapeysur eru í anda Grenville.
Georgina Grenville í anda Catherine Deneuve úr Belle de Jour.
[ Smellið til að sjá stærri mynd ]
Suðurafríska fyrirsætan Georgina Grenville átti tískupallana á tíunda áratug síðustu aldar. Eftir margra ára fjarveru frá sviðsljósinu hefur hún sett mark sitt á tískupallana aftur.

Suðurafríska fyrirsætan Georgina Grenville átti tískupallana á tíunda áratug síðustu aldar. Eftir margra ára fjarveru frá sviðsljósinu hefur hún sett mark sitt á tískupallana aftur. Eftirfarandi atriði eru áhugaverð fyrir þá sem kunna að meta einstakan stíl í hennar anda. Elínrós Líndal | elinros@mbl.is

Georgina Grenville er með tímalaust útlit sem hefur sjaldan eða aldrei verið eins mikið í tísku og einmitt núna. Hún býr og starfar í París þar sem hún elur upp börnin sín þrjú. Ef þú ætlar að stela stílnum hennar er gott að hafa eftirfarandi hluti í huga.

Stórir jakkar og yfirhafnir

Grenville gengur að jafnaði í frekar herralegum fötum hversdagslega. Hennar stíll er sem dæmi rúllukragapeysa og dragt í strákasniði. Hún er þá alla jafna með lágstemmda förðun og enga skartgripi. Útlit sem minnir á karlmenn í París á köldum vetrardegi.

Svartur fatnaður og litríkir skór

Grenville er með fallega ljósbrúna húð sem hún leggur mikla vinnu í að líti vel út. Hún klæðist að jafnaði fatnaði sem minnir á tískuna frá Jil Sander á tíunda áratug síðustu aldar. Með svörtum kjól á hún það til að vera í rauðum skóm. Þá er hún alltaf með ljósan varalit og frekar frjálslegt og náttúrulegt hár.

Glamúr á kvöldin

Þó Grenville klæðist frekar strákalegum fatnaði að degi til þá á hún það til að klæða sig upp á í mikinn glamúr á kvöldin. Þá er hún í glitrandi flegnum kjólum sem minna á áttunda áratug síðustu aldar. Í skóm frá allt öðru tímabili sem eru í aðeins klassískari stíl. Við svona tilefni blandar hún saman allskonar litum. Húðin á henni er náttúruleg og glansandi og hárið lágstemmt.

Hár í anda Belle de Jour

Hár í anda persónunnar sem Catherine Deneuve leikur í Belle de Jour er alltaf í tísku. Það er mikið túperað í rótina og liggur síðan fallega niður á axlirnar. Með svona hári sem minnir á franska tísku á sjöunda áratugnum er mikilvægt að nota dökka liti í kringum augun og ljósan varalit. Grenville ber þetta útlit betur en margar aðrar konur, þá sér í lagi því hún er alltaf með þetta töffaralega yfirlit sem minnir á orku þeirra sem þora.

Hár greitt frá andliti

Það fer fáum konum jafnvel að vera með hárið greitt frá andlitinu og Grenville. Hún er með einstakt andlitsfall sem hún ýkir með fallegri skyggingu. Förðun má einmitt vera til að ná slíkum áhrifum fram í stað þess að nota áberandi liti sem kalla á athygli.

Það er ekkert við útlit Grenville sem kallar sérstaklega á athygli, sem er styrkleiki hennar þegar kemur að tískunni. Enda býr öryggi og staðfesta innra með henni.