Öðruvísi brids.

Öðruvísi brids. S-AV

Norður
♠94
♥KD1054
♦53
♣DG92

Vestur Austur
♠ÁD76 ♠KG103
♥932 ♥Á87
♦Á84 ♦KD6
♣Á85 ♣K64

Suður
♠852
♥G6
♦G10972
♣1073

Suður spilar 4♦ doblaða.

Enski spilarinn Paul Barden leit til lofts eftir innblæstri. Var þetta rétti tíminn til að prófa kenningu Robsons um „einhliða hindrun“? Hann var gjafari með gosana tvo í suður. Ekki beint tilþrifamikil spil, en á hinn bóginn voru aðstæður hagstæðar, hann var utan hættu og átti fyrsta orðið. „Því ekki það,“ hugsaði Barden, seildist djúpt í sagnboxið og dró upp miðann með 3♦.

Nú er rétt að taka það fram að Barden þessi er ekkert unglamb. Svona rúmlega miðaldra eftir myndum að dæma. Og makker hans, David Kendrick, er gjaldgengur í öldungaflokkinn. Þeir félagar voru að keppa um landsliðssæti á BBO í síðustu viku og þaðan er þetta spil komið. Vestur passaði og Kendrick lyfti í 4♦ á tvíspilið. Dobl í austur, allir pass og 1700 niður. Hinum megin fóru AV tvo niður á 6♠.

„Bridge, but not as we know it,“ skrifaði sýningarstjórinn á spjallvefinn.