Miðjumaður Rodrigo Gómez leikur með Akureyringum næsta sumar.
Miðjumaður Rodrigo Gómez leikur með Akureyringum næsta sumar. — Morgunblaðið/Eggert
Spænski knattspyrnumaðurinn Rodrigo Gómez er genginn til liðs við KA en þetta staðfesti félagið á heimasíðu sinni í gær. Rodrigo skrifar undir tveggja ára samning við Akureyrarliðið en Spánverjinn kemur frá Grindavík.

Spænski knattspyrnumaðurinn Rodrigo Gómez er genginn til liðs við KA en þetta staðfesti félagið á heimasíðu sinni í gær. Rodrigo skrifar undir tveggja ára samning við Akureyrarliðið en Spánverjinn kemur frá Grindavík. Óli Stefán Flóventsson, þjálfari KA, þekkir vel til leikmannsins en þeir unnu saman hjá Grindavík á árunum 2016 til 2018. Rodrigo á að baki 46 leiki í efstu deild með Grindavík þar sem hann hefur skorað eitt mark en hann hefur einnig leikið með Sindra á Hornafirði hérlendis. bjarnih@mbl.is