Grátt svæði. S-Enginn Norður &spade;Á8765 &heart;K2 ⋄5 &klubs;DG987...

Grátt svæði. S-Enginn

Suður spilar 7♣.

Öll kerfi hafa sín gráu svæði þar sem „allt orkar tvímælis þá er gert er“. Lítum til suðurs, sem opnar á Standard-tígli með 15 punkta. Norður svarar fyrirsjáanlega á 1♠ og nú þarf suður að velja næstu sögn. Hvað segir lesandinn?

„Eru nú tveir kostir til og hvorgi góður,“ svo vitnað sé aftur í Njálu. Annar er 1G, hinn 2♣. Grandið er undirmelding, en 2♣ ætti að sýna meiri skiptingu. Báðar sagnir voru valdir í BBO-leik ensku landsliðkeppninnar með slæmum árangri.

Sjálfur landsliðsþjálfarinn David Burn sagði 1G og spilaði þann samning. Norður hefði að skaðlausu mátt gefa eina sögn, en hann hélt að 10 punktar á móti 12-14 punkta flatneskju dygði ekki í geim. Hinum megin fylltist norður fítonskrafti þegar hann frétti af lauflit hjá opnara og keyrði í alslemmu. Ekki alveg vonlaust spil fyrir fram, en einum of mikið í þessari legu.