Um jólin er gaman að gera smávegis breytingar á hinum hefðbundnu uppskriftum heimilisins sem allir elska. Hvítt súkkulaði ofan á klassískan súkkulaðibotn færir hátíð í bæ. Hér kemur góð uppskrift sem allir geta notað.
Smjörkrem með hvítu súkkulaði
200 g hvítt Toblerone, brætt og kælt lítillega
180 g smjör við stofuhita
4 msk. rjómi
1 tsk. vanilludropar
½ tsk. salt
240 g flórsykur
Aðferð: Smjör er þeytt í eina mínútu og því næst er flórsykri bætt saman við.
Hellið hvíta súkkulaðinu saman við og þeytið í aðrar tvær mínútur.
Best er að bæta rjóma, vanilludropum og salti við í lokin.
Gott er að kæla kremið aðeins áður en það er sett á brúnkökubotnana.