Gamli Garður Framkvæmdir á þessu svæði eru umdeildar og sagðar ógna listrænt mikilvægri skipulagsheild.
Gamli Garður Framkvæmdir á þessu svæði eru umdeildar og sagðar ógna listrænt mikilvægri skipulagsheild. — Morgunblaðið/Kristinn Magnússon
Breyting Viðbyggingin á að rísa vestan við Gamla Garð og verður 3.300 fm.
[ Smellið til að sjá stærri mynd ]
Framkvæmdir við byggingu nýrra stúdentaíbúða eru hafnar á svæði Háskóla Íslands. Á dögunum sást þar stórvirk vinnuvél við niðurrif á Gamla Garði, fyrstu byggingu háskólans á þessu svæði, en verið var að taka niður stigahús á suðurgafli.

Framkvæmdir við byggingu nýrra stúdentaíbúða eru hafnar á svæði Háskóla Íslands. Á dögunum sást þar stórvirk vinnuvél við niðurrif á Gamla Garði, fyrstu byggingu háskólans á þessu svæði, en verið var að taka niður stigahús á suðurgafli.

Nýju stúdentaíbúðirnar verða þrjár hæðir og kjallari og munu þær tengjast Gamla Garði við áðurnefndan suðurgafl. Hámarksbyggingarmagn er 2.900 fermetrar ofanjarðar og 480 fermetrar neðanjarðar, eða samtals 3.300 fermetrar. Gert er ráð fyrir að í viðbyggingunni verði 70 ný stúdentaherbergi ásamt sameiginlegum eldhúsum, samkomurýmum og geymslum. Andrúm arkitektar ehf. sáu um hönnun.

Löng saga Gamla Garðs

Morgunblaðið fjallaði um fyrirhugaða framkvæmd í maí á þessu ári. Var þar saga Gamla Garðs rifjuð upp, en það hús var byggt árin 1933-34 og er garðurinn nýttur sem stúdentaíbúðir og sumargisting. Gamli Garður er stúdentagarður, fyrsta bygging Háskóla Íslands á háskólasvæðinu. Sigurður Guðmundsson, húsameistari ríkisins, teiknaði húsið, en fyrstu stúdentarnir fluttu þangað inn haustið 1934.

Framkvæmdir við Gamla Garð eru umdeildar og mótmælti Minjastofnun þeim á sínum tíma. Taldi stofnunin að fyrirhuguð uppbygging þar fæli í sér veruleg og neikvæð umhverfisáhrif þar sem listrænt mikilvægri skipulagsheild yrði raskað.