Virðulegur aldur. A-AV Norður &spade;-- &heart;ÁG85 ⋄KG84...

Virðulegur aldur. A-AV

Suður spilar 6♣ dobluð.

Þrátt fyrir virðulegan aldur höfðu keppendur ekki áður lent í öðru eins. „Ég sá reyndar svona spil í Mogganum um daginn, en hélt að þetta gæti ekki gerst við borðið. Kannski tengist þetta hækkandi hitastigi.“

En nú hefur það sem sagt „gerst við borðið“ – slemma gefin með útspili í tvöfalda eyðu. Þetta var annan sunnudag í aðventu, á Íslandsmóti seníora, sem stundum eru kallaðir „heldri menn“ til aðgreiningar frá hversdagslegri spilurum. Sigurvegarar mótsins, Aðalsteinn Jörgensen og Sverrir Gaukur Ármannsson, nutu þess að vinna 6♣ eftir spaðaásinn út. Eitt annað par vann 6♣ dobluð (Hjálmar S. Pálsson og Loftur Pétursson), en á öðrum borðum þverneituðu AV að gefa eftir spaðalitinn. Og fóru sums staðar í 6♠, sem gjarnan unnust eftir laufásinn út (en þá þarf bara að finna hjartagosann á góðum stað).