Fínlegt klúður. S-Allir
Norður | |
♠D74 | |
♥ÁKD | |
♦Á7 | |
♣ÁD654 |
Vestur | Austur |
♠K96 | ♠G1082 |
♥7 | ♥1098432 |
♦109843 | ♦G6 |
♣G1073 | ♣8 |
Suður | |
♠Á53 | |
♥G65 | |
♦KD52 | |
♣K92 |
Suður spilar 6G.
„Við spilum 13-15 punkta grand,“ skrifar Mark Horton, „og ég opna á einu slíku með 13 punkta. Makker stekkur í 5G, sem er tilboð í sjö, en ég afþakka kurteislega með því að lyfta bara í 6G. Útspilið er ♦10 og ég sé fljótt að 6G er mátulegur samningur þó svo að 7G geti vel unnist. Ég ætla alla vega að reyna við sjö.“
Mark Horton er afkastamikill bridspenni, höfundur bóka og greina í mótsblöð víða um heim. Hann heldur úti ókeypis tímariti á netinu (The New Bridge Magazine) og skrifar þar reglulega um eigin afleiki undir titlinum „Misplay These Hands With Me“. Hér klúðrar hann 6G (að eigin sögn) með því að kanna laufið í röðinni kóngur-ás.
„Ég átti að taka á ♣Á fyrst, fara svo heim á ♣K og skipta um áætlun þegar legan sýndi sig: spila litlum spaða á drottninguna og þvinga svo vestur í láglitunum.“