Konurnar sem standa að átaksverkefninu „Á allra vörum“, þær Elísabet Sveinsdóttir, Gróa Ásgeirsdóttir og Guðný Pálsdóttir, hafa afhent söfnunarfé þessa árs, 43 milljónir. Í þetta skiptið nýtur „Eitt líf“ stuðningsins, en þar hefur verið unnið óhefðbundið forvarnastarf í grunnskólum landsins, sem vakið hefur mikla athygli.
Starfsemin hófst eftir lát ungs drengs, Einars Darra, í maí 2018, og byggir á því að fræða börn og ungmenni, foreldra þeirra og kennara um þá hættu sem fylgir neyslu vímuefna og lyfseðilsskyldra lyfja.
„Á allra vörum“ hefur alls safnað yfir 600 milljónum í þjóðarátaki sem fram hefur farið níu sinnum.