Hæstiréttur Spánar hafnaði því í gær að staðfesta kosningu katalónska aðskilnaðarsinnans Oriol Junqueras til Evrópuþingsins vegna þess dóms sem hann hlaut í fyrra fyrir að hafa sem ráðherra Katalóníuhéraðs átt aðild að ákvörðun um að halda þjóðaratkvæðagreiðslu um sjálfstæði héraðsins frá Spáni árið 2017, í andstöðu við úrskurð stjórnlagadómstóls Spánar.
Junqueras, sem dæmdur var til 13 ára fangelsisvistar og sviptur rétti til þess að gegna opinberu embætti í 13 ár í október 2019, hefur með niðurstöðu spænska dómstólsins verið neitað um að undirrita kjörbréf sitt og taka sæti á Evrópuþingi.
Er þetta í beinni andstöðu við niðurstöðu Evrópudómstólsins sem komst að því í desember að Junqueras skyldi látinn laus úr haldi spænskra yfirvalda.
Til baka
Leita í greinasafni
Prenta grein
