Mikilfengleg Margir lögðu leið sína í Hnitbjörg, Listasafn Einars Jónssonar á Skólavörðuholti, en byggingin var fallega upplýst eins og verkin.
Mikilfengleg Margir lögðu leið sína í Hnitbjörg, Listasafn Einars Jónssonar á Skólavörðuholti, en byggingin var fallega upplýst eins og verkin. — Morgunblaðið/Árni Sæberg
Dansfimi Rífandi stemning var í Ljósmyndasafni Reykjavíkur í Grófinni þar sem gestum var kennt að dansa á sýningu Valdimars Thorlacius.
Rökrætt Gestir ræða málin á sýningu í Ljósmyndasafni Reykjavíkur.
Litadýrð Feneyjaverk Hrafnhildar Arnardóttur – Shoplifter, Chromo Sapiens, var vel sótt. Eins og í Feneyjum njóta gestir þess að dvelja í verkinu, sem mörgum finnst gaman að ljósmynda.
Lagviss Í Árbæjarsafni sóttu sumir gestanna á Safnanótt söngkennslu meðan aðrir fóru í draugagöngur um mörg hinna gömlu húsa sem komið hefur verið fyrir á safninu.
[ Smellið til að sjá stærri mynd ]
Hin árlega Safnanótt var á föstudagskvöldið var og að vanda á dagskrá Vetrarhátíðar sem haldin er á höfuðborgarsvæðinu.
Hin árlega Safnanótt var á föstudagskvöldið var og að vanda á dagskrá Vetrarhátíðar sem haldin er á höfuðborgarsvæðinu. Opið var langt fram á kvöld í öllum söfnum á svæðinu og boðið upp á fjölbreytilega viðburði, svo sem draugagöngur, skoðunarferðir um geymslur listasafna, kórtónleika, uppistand, örleiðsagnir og gjörninga. Þá voru nokkur ljósalistaverk til sýnis í miðborginni og vöktu athygli þótt það blési hressilega um þá sem voru að skoða verkin.