Engin alslemma. N-Allir Norður &spade;94 &heart;G932 ⋄8532...

Engin alslemma. N-Allir

Suður spilar 4♠.

Þeir töldu sig heppna sagnhafarnir í tvímenningi Bridshátíðar sem fengu út lauf gegn 4♠. Sáu fyrir sér leið inn í borð á ♥G til að henda tígli niður í ♣Á. Svína svo í spaða og vinna sjö í góðri legu. En margt fer öðruvísi en ætlað er. Það sem gerðist var þetta: Austur trompaði ♥G, spilaði makker sínum inn á ♦Á og fékk aðra stungu. Einn niður!

Bilde-hjónin dönsku voru í vörninni á einu borði og sögðu aldrei neitt. Morten kom út með ♦Á og Dorte reyndi að vekja athygli á hjartaeyðunni með því að láta drottninguna undir. Morten hugleiddi málið en ákvað að bíða átekta og spilaði aftur tígli. Sagnhafi gat nú unnið fimm með því að spila ♠Á og spaða, en hann bjóst við að útspilið væri frá ♦ÁK og drottningin einfaldlega lýsandi spil frá ♦DG10. Hann yfirtók því ♣K til að svína í trompi. Þá kom stungan.