Samningslaus Sigurður Gunnar Þorsteinsson er nú án félags.
Samningslaus Sigurður Gunnar Þorsteinsson er nú án félags. — Morgunblaðið/Eggert
Körfuknattleiksdeild ÍR hefur rift samningi sínum við miðherjann Sigurð Gunnar Þorsteinsson. Sigurður sleit krossband snemma í fyrsta leik tímabilsins og lék því nánast ekkert með liðinu í vetur.
Körfuknattleiksdeild ÍR hefur rift samningi sínum við miðherjann Sigurð Gunnar Þorsteinsson. Sigurður sleit krossband snemma í fyrsta leik tímabilsins og lék því nánast ekkert með liðinu í vetur. Sigurður átti gott tímabil með ÍR síðasta vetur og skoraði 13 stig að meðaltali, tók átta fráköst og var með tvö skot varin að meðaltali í leik þegar ÍR fór alla leið í úrslit Íslandsmótsins en tapaði fyrir KR í oddaleik í Frostaskjóli. Sigurður var valinn í úrvalslið úrvalsdeildarinnar að tímabili loknu.