„Sambúð“ eða „Coexistence“ nefnist þetta verk eftir brasilíska listamanninn Eduardo Kobra og sýnir börn með andlitsgrímur vegna kórónuveirunnar. Á grímunum eru merki helstu trúarbragða heims, (f.v.) íslams, búddisma, kristni, gyðingdóms og hindúisma. Verkið er í Itu, sem er um 100 km frá Sao Paulo í Brasilíu.
„Sambúð“ eða „Coexistence“ nefnist þetta verk eftir brasilíska listamanninn Eduardo Kobra og sýnir börn með andlitsgrímur vegna kórónuveirunnar. Á grímunum eru merki helstu trúarbragða heims, (f.v.) íslams, búddisma, kristni, gyðingdóms og hindúisma. Verkið er í Itu, sem er um 100 km frá Sao Paulo í Brasilíu. — AFP
Listamaðurinn Eme Freethinker málaði þessa mynd af Xi Jinping, leiðtoga Kína, og Donald Trump, forseta Bandaríkjanna, að stinga saman nefjum með grímu fyrir vitum sér á vegg í Berlín.
Í Bergamo á Ítalíu ríkti neyðarástand í upphafi faraldursins. Á hliðarvegg Sjúkrahúss Jóhannesar páfa XIII. í borginni málaði listamaðurinn Franco Rivolli mynd af hjúkrunarfræðingi með vængi á baki og Ítalíu í fanginu, sveipaða ítalska fánanum.
Hjólreiðarmaður í Glasgow hjólar framhjá veggmynd, sem sýnir mann hlekkjaðan við kórónuveiru og er táknræn fyrir höft á samgöngum og samkomum til að hefta faraldurinn.
Á vegg í Conakry í Gíneu má sjá þessar illkvitnislegu kórónuveirur ásamt áminningu um að þvo sér rækilega um hendur til að afstýra kynnum við þær.
Mynd af geimfara með grímu fyrir vitum sér með litum og merki knattspyrnufélgsins Borussia Dortmund prýðir vegg á leikvangi félagsins, Signal Iduna Park, í Dortmund. Í þýsku búndeslígunni er beðið eftir grænu ljósi til að frá að klára keppnistímabilið. Yrði þá leikið án áhorfenda og farið eftir ströngum reglum um snertingu og samgang. Það verður leyfilegt að tækla en ekki að faðmast.
Listamaður málar fótspor á gólfið á neðanjarðarlest í Medellin í Kólumbíu til að minna farþega á að standa ekki of þétt saman vegna kóronuveirufaraldursins.
Maður með grímu tekur sjálfu fyrir framan veggmynd í Madríd á Spáni. Myndin er skrumskæling á þekktu atriði úr myndinni Pulp Fiction eftir Quentin Tarantino þar sem John Travolta og Samuel L. Jackson eru í hlutverkum Vincents Vega og Jules Winnfield. Listamaðurinn hefur sett á þá grímur í anda kórónutíma og lætur þá vera að mynda sjálfa sig.
Heilbrigðisstarfsfólki er iðulega þakkað í vegglistaverkum um þessar mundir. Listamaðurinn Kai „Uzey“ Wohlgemuth gerði þessa mynd í Hamm í vesturhltua Þýskalands. „Helgað hinum raunverulegu hetjum,“ stendur við hlið myndarinnar.
Heilbrigðissatarfsfólk í hlífðarbúnaði fellur í faðma á veggmynd í Acapulco í Guerrero -ríki í Mexikó. Tilfellum af Covid-19 fer fjölgandi í landinu. Þar var skólum lokað í mars ásamt öðrum aðgerðum sem eru í gildi til 30. maí.
[ Smellið til að sjá stærri mynd ]
Kórónuveiran hefur sett svip sinn á daglegt líf um allan heim. Hún er líka farin að setja svip sinn á umhverfið eins og sést á þessum myndum víðs vegar að í heiminum.