Tvíþætt spurning. S-Allir Norður &spade;964 &heart;63 ⋄G85...

Tvíþætt spurning. S-Allir

Suður spilar 3G.

„Hélstu að þetta væri einföld æfing í sniðgöngu?“ Terence Reese hefði ekki verið vinsæll prófsmiður – ekki af nemendum, alla vega, enda gildrur við hvert fótmál í verkefnum hans. Suður spilar 3G með ♥10 út (þriðja frá brotinni röð) og suður á fyrsta slaginn á drottninguna.

Ef laufsvíningin misheppnast þarf aukaslag á spaða. Próftakinn hjá Reese sér bara tvær hendur og gæti því ályktað að þetta sé æfing í því að ráðast á innkomur varnarinnar í réttri röð. Sem sagt: Laufi spilað á ás til að svína í spaða. Dúkka svo hjarta og svína loks í laufi þegar austur er orðinn hjartalaus. „Avoidance play“ af einföldustu gerð.

Rétt, svo langt sem það nær. En hér á austur fjórlit í laufi og getur eyðilagt litinn með því að drepa ekki strax. Við þessu er „einfalt“ ráð, segir Reese: Spila ♠D að heiman í öðrum slag. Nemendur sem það gera fá tíu.