Engin áhætta. N-AV Norður &spade;KG52 &heart;G ⋄KD3 &klubs;ÁKD98...

Engin áhætta. N-AV

Suður spilar 4♠.

Indverjinn Naren Gupta og liðsmenn hans unnu Red Devils í úrslitaleik MontreAlt-netmótsins, 99-66 í 32 spilum. Fyrirliðinn Gupta er áhættufjárfestir, sem keypt hefur grimmt í sprotafyrirtækjum í Kísildal og efnast vel. En hann tekur enga sénsa í brids. Þar velur hann mannskapinn eftir reynslu og árangri. Makker hans var sjálfur Zia, og með þeim spiluðu Hollendingarnir Bauke Muller-Simon de Wijs og Frakkarnir Cedric Lorenzini-Thomas Bessis.

Frakkarnir voru heppnir í spilinu að ofan. Bessis vakti á Standard-laufi og Lorenzini gat ekki fengið sig til að passa með 5 punkta og sagði 1♠ á þrílitinn. Bessis stökk í 4♥ til að sýna stuttlit og slemmuáhuga (splinter), en Lorenzini fékkst ekki upp úr 4♠.

Útspilið var tígulás og tían í frá austri – annaðhvort frávísun eða hreinlega einspil. Vestur veðjaði á hið síðarnefnda og spilaði tígli áfram. Tíu slagir.