Fá 15 milljarða fyrir lyfjaþróun

Norska líftæknifyrirtækið Lytix Biopharma hefur gert samning við Verrica Pharmaceuticals um þróun og markaðssetningu á lyfjakandídatinum LTX-315.

Baldur Sveinbjörnsson, einn stofnenda Lytix, segir samninginn hljóða upp á sem svarar 15 milljörðum íslenskra króna. Með samstarfi við svo öflugt fyrirtæki verði hægt að hraða þróun nýrra meðferða við tveimur gerðum húðkrabbameins.

Milljónir sjúklinga

Samanlagt séu um 5 milljónir tilfella svona gerða húðkrabbameins í Bandaríkjunum og Evrópu á ári.

Markaðurinn með lyf við húðkrabbameini sé metinn á yfir 120 milljarða króna á ári. Baldur er prófessor við læknadeild Háskólans í Tromsø og starfar við höfuðstöðvar Lytix i Ósló. baldura@mbl.is 20