Sálræn þvingun. V-Enginn Norður &spade;ÁDG9 &heart;G3 ⋄ÁG53...

Sálræn þvingun. V-Enginn

Suður spilar 3G.

Þrjú grönd voru spiluð á fimm borðum í meistaramóti Netbridge.online sem nú stendur yfir, unnust þrisvar, fóru tvisvar niður. Sömu sagnir og sama útspil: Opnun á 1♥ í vestur, dobl í norður, svar á 1G í suður, 2G-3G. Hjartaás út, síðan hjartakóngur og tía. Hvar á austur að fækka við sig?

Af ofansögðu er útreiknanlegt að þrír austmenn hentu laufum og útsettu makker sinn þannig fyrir þvingun. Hinir tveir hentu spöðum og gátu þá valdað laufið í lokastöðunni. En er hægt að færa einhver skynsamleg rök fyrir spaðaafkasti umfram lauf? Og hvað með tígulinn?

Öll afköst geta kostað slag eða slagi, en kannski er skást að henda frá spaðanum á þeirri forsendu að vörnin eigi meiri möguleika ef suður á spaðakóng. Þá nýtist hliðarstyrkur vesturs betur. En hvað sem því líður er staða austurs þungbær – sálræn þvingun í þremur litum.