Ein lausn. S-Enginn Norður &spade;763 &heart;D7 ⋄Á &klubs;ÁKDG985...

Ein lausn. S-Enginn

Suður spilar 3G.

Eric Sælensminde var óheppinn með útspil sitt gegn 3G. Makker hans hafði sagt spaða og líklegur líflitur andstöðunnar var lauf. Eric útilokaði báða liti. Þá voru tveir eftir, svipaðir að höfuðlagi en mislangir.

Eric fór fyrir norskri sveit í parasveitakeppni á Netbridge í síðustu viku og komst alla leið í útslitaleikinn. En þá fór illa. Hér opnaði norður á Standard-laufi í þriðju hendi og Ann Karin Fuglestad kom inn á 1♠. Suður passaði, Eric líka og norður sýndi veldi sitt með 2♠. Suður sagði 2G og norður hækkaði í 3G. Og Eric átti út.

Spaðakóngur hefði dugað vel og hjartagosinn líka, en Eric valdi tígulgosann. „Sýnd veiði en ekki gefin,“ hugsaði sagnhafi, enda samgangurinn stirður. Einhvern veginn þarf að komast heim til að taka á tígulhjónin og aftur inn í borð. Þegar grannt er skoðað er aðeins ein lausn til á þeim vanda – tían blönk í laufi!