Sérviska. A-Allir Norður &spade;432 &heart;D ⋄K109 &klubs;ÁKD743...

Sérviska. A-Allir

Suður spilar 4♠.

Spilarar eru sérvitrir þegar kemur að langlitum. Til dæmis var allur gangur á því hvernig menn meðhöndluðu spil austurs í parasveitakeppninni á ocbl.org. Sumir opnuðu á 3♥, aðrir á 4♥, enn aðrir á 1♥ og einhverjir sögðu pass af því ekkert passaði! En hvernig sem allt veltist varð niðurstaðan þó yfirleitt 4♠ í suður. Sókn eða vörn?

Vörn, en hún þarf að vera nákvæm. Fyrst hjarta út upp á ás, svo annaðhvort lauf eða tígull til baka. Segjum lauf, og látum sagnhafa spila strax trompi um hæl. Þá kemur austur með tígul og innkoma blinds á tígulkóng er fjarlægð.

Cecilia Rimstedt missti af tækifæri sem sagnhafi á einu borðinu. Út kom hjarta og svo tígull upp á ás (mistök) og meiri tígull. Nú má vinna spilið með því að taka ♣ÁKD og spila svo trompi! Cecilia spilaði hins vegar strax trompi og austur komst út á laufi.