Messur

ÁSKIRKJA | Tónlist, ritningarorð og morgunhugvekja úr Áskirkju flutt á heimasíðu kirkjunnar; askirkja.is, kl. 9.30 á sunnudögum og fimmtudögum. Almennar sunnudagsguðsþjónustur í Áskirkju falla niður um óákveðinn tíma vegna Covid-19-veirufaraldursins. Prestur og djákni Ássafnaðar eru til viðtals eftir samkomulagi í síma Áskirkju, 588-8870.

FELLA- og Hólakirkja | Helgistund í streymi á fésbókarsíðu kirkjunnar kl. 11 sunnudaginn 15. nóv. https://www.fellaogholakirkja.is/

GRAFARVOGSKIRKJA | Sunnudaginn 15. nóvember verður streymt frá helgistund kl. 11 á Facebooksíðu kirkjunnar. Sr. Sigurður Grétar Helgason þjónar. Organisti er Hákon Leifsson og Sara Grímsdóttir mun sjá um söng.

Sunnudagaskólinn verður í streymi á Facebooksíðu kirkjunnar kl. 9.30. Umsjón hafa Ásta Jóhanna Harðardóttir og Hólmfríður Frostadóttir. Undirleikari er Stefán Birkisson.

GRENSÁSKIRKJA | Helgistund í tilefni Alþjóðlegs minningadags fórnarlamba umferðarslysa er birt á Facebook síðum Grensás- og Bústaðakirkju og youtube rásinni Fossvogsprestakall. Sr. María G. Ágústsdóttir og Daníel Ágúst Gautason djákni annast þjónustu ásamt Ástu Haraldsdóttur organista og Kirkjukór Grensáskirkju. Sunnudagaskólinn er sendur út um helgar ásamt kyrrðarstundum á þriðjudögum kl. 12 og núvitundarstundum á kristnum grunni á fimmtudögum kl. 18.15. Hugvekjur presta og djákna er einnig að finna á netinu.

HALLGRÍMSKIRKJA | Helgistund sunnudag kl. 11 á vef kirkjunnar, www.hallgrimskirkja.is.

KÓPAVOGSKIRKJA | Helgistund verður streymt á facebook síðu kirkjunnar kl. 11 þar sem dr. Sigurjón Árni Eyjólfsson leiðir. Á sama tíma verður sunnudagskólanum streymt.

SELTJARNARNESKIRKJA | Helgistund í streymi á facebókarsíðu Seltjarnarneskirkju kl. 11. Sr. Bjarni Þór Bjarnason þjónar. Friðrik Vignir Stefánsson er organisti. Sigurlaug Arnardóttir syngur. Hrafnhildur B. Sigurðardóttir og Þórir S. Guðbergsson lesa ritningarlestra. Rúna Gísladóttir les bænir. Sveinn Bjarki Tómasson er tæknimaður.

Bænastund í streymi á facebókarsíðu Seltjarnarneskirkju miðvikudaginn 18. nóvember kl. 12.