Vondur moli. V-AV Norður &spade;ÁD87 &heart;985 ⋄Á95 &klubs;1085...

Vondur moli. V-AV

Suður spilar 4♥.

„Lífið er eins og konfektkassi, maður veit aldrei hvað maður fær,“ sagði móðir Forrests Gumps svo eftirminnilega. Sú speki sannaðist á Hollendingnum Ricco van Prooijen, sem hélt að hann hefði fengið virkilega góðan mola. Spilið er frá parasveitakeppni á netinu og yfirleitt byrjaði vestur vörnina með ♣ÁKD.

Tíu slagir eru skrifaðir í skýin, því austur þvingast sjálfkrafa í hörðu litunum: Sagnhafi trompar þriðja laufið, tekur þrisvar tromp og svínar spaðadrottningu. Austur drepur og spilar spaða um hæl, sem suður tekur á gosann, spilar síðasta hjartanu og hendir tígli í borði. Og austur er „dauð önd“.

Gegn Ricco skipti vestur óvænt yfir í tíguldrottningu í þriðja slag. Fagur moli á ytra borði en fullur af dísætu jukki við nánari kynni. Ricco drap heima á kóng, prófaði spaðann, en svínaði síðan tígulníu. Ooij.