Níska. S-Enginn Norður &spade;62 &heart;KD932 ⋄75 &klubs;K1087...

Níska. S-Enginn

Suður spilar 4♥.

Peter Fredin fékk út ♣D gegn fjórum hjörtum. Hagstætt útspil, við fyrstu sýn, en Fredin var ekki sérlega bjartsýnn, því vestur hafði komið inn á spaðasögn í upphafi og átti mjög líklega ♠K.

Fredin og mannskapur hans komst í undanúrslit í síðasta móti Netbridge.online, en tapaði þá fyrir fyrir Rauðu djöflunum frá Belgíu. Ekki var þó þessu spili um að kenna. Fredin tók heima á ♣Á og spilaði hjarta. Austur drap strax og þrumaði ♠G í gegnum ♠ÁD9. Fredin setti drottninguna, austur drap og spilaði laufi – skiljanlega, því sagnhafi gat hvað best verið með ♦K.

Fredin sá engan tilgang í því að svína tíunni, svo hann tók á ♣K og trompaði lauf. Spilaði hjarta á blindan og trompaði aftur lauf. Kláraði því næst trompin og fór niður á þrjú spil heima: ♠Á9 og ♦D. Vestur tímdi ekki að henda ♦Á og borgaði fyrir þá nísku dýrum dómum.