Messur

Aðfangadagskvöld kl. 17. Prestar: Sr. Arnór Bjarki Blomsterberg og sr. Kjartan Jónsson.

Kirkjukór Kálfatjarnarkirkju syngur undir stjórn Davíðs Sigurgeirssonar sem leikur á gítar.

Þórður Sigurðsson leikur á orgel. Barnakór Ástjarnarkirkju syngur undir stjórn Helgu Loftsdóttur og Jóhanna Guðrún Jónsdóttir syngur einsöng.

Aftansöngnum verður streymt frá www.astjarnarkirkja.is, og facebooksíðu Ástjarnarkirkju.

GRAFARVOGSKIRKJA | Sunnudaginn 20. desember verður streymt frá aðventuguðsþjónustu. Streymið verður í fyrra skiptið kl. 11 í sjónvarpinu á RÚV 2. Síðan aftur kl. 15 í sjónvarpinu á RÚV 1. Eins verður útsending kl. 11 á Rás 1 í útvarpinu.

Prestar krikjunnar þjóna. Félagar úr kórum Grafarvogskirkju sjá um söng. Undirleikari er Hákon Leifsson. Brúðuleikhús verður með í streyminu.

GRENSÁSKIRKJA | Helgistund og barnastund um helgina á youtuberás, facebooksíðum og heimasíðum Fossvogsprestakalls, grensaskirkja.is og kirkja.is. Kyrrðarstund send út í hádeginu á þriðjudaginn. Aðfangadagskvöld: Aftansöngur frá Bústaðakirkju kl. 18, sonik.is/bustadakirkja. Jóladagur: Hátíðarguðsþjónusta frá Grensáskirkju kl. 14, sonik.is/grensaskirkja.

GUÐRÍÐARKIRKJA í Grafarholti | Sunnudaginn 20. desember kl. 11 verður streymt á facebooksíðu Guðríðarkirkju tónlistarhelgistund, prestur er Leifur Ragnar Jónsson. Tónlistarflutningur í umsjá Ástvalds Traustasonar og Ásbjargar Jónsdóttur.

KÁLFATJARNARKIRKJA |

Aðfangadagskvöld kl. 17. Aftansöngur. Prestar eru Arnór Bjarki Blomsterberg og Kjartan Jónsson. Kirkjukór Kálfatjarnarkirkju syngur undir stjórn Davíðs Sigurgeirssonar sem leikur á gítar. Þórður Sigurðsson leikur á orgel. Barnakór Ástjarnarkirkju syngur undir stjórn Helgu Loftsdóttur og Jóhanna Guðrún Jónsdóttir syngur einsöng. Aftansöngnum verður streymt frá www.kalfatjarnarkirkja.is og facebooksíðu Ástjarnarkirkju.

KÓPAVOGSKIRKJA | Sunnudaginn 20. desember verður kirkjan opin milli kl. 11 og 12.30 fyrir þá sem vilja eiga hljóða stund. Gætt verður að fjöldatakmörkum og sóttvörnum. Aðfangadagur: fb-streymi kl. 15 þar sem beðið er eftir jólum með sunnudagaskólaleiðtogum og djákna. Aftansöngur í streymi kl. 18 sr. Sigurður Arnarson og sr. Sjöfn Jóhannesdóttir þjóna fyrir altari, Ásta Ágústsdóttir djákni prédikar. Kór Kópavogskirkju syngur. Jóladagur kl. 14 sr. Sjöfn Jóhannesdóttir leiðir fb-stund ásamt kór Kópavogskirkju.

SELTJARNARNESKIRKJA | Helgistund í streymi á fésbókarsíðu Seltjarnarneskirkju kl. 11. Sr. Bjarni Þór Bjarnason þjónar. Friðrik Vignir Stefánsson er organisti. Sólveig Þórhallsdóttir, Ragnheiður Haraldsdóttir, Arney María Arnarsdóttir og Arna Sif Jóhannsdóttir leika á flautur. Börn úr Barnakór Seltjarnarneskirkju syngja undir stjórn Þorsteins Freys Sigurðssonar. Grétar G. Guðmundsson og Anna G. Hafsteinsdóttir lesa ritningarlestra og bænir. Tæknimaður er Sveinn Bjarki Tómasson. Bænastund í streymi 23. desember kl. 12.