Boðorðsbrot. S-Allir Norður &spade;104 &heart;KD653 ⋄K1043...

Boðorðsbrot. S-Allir

Suður spilar 3G.

„Ekkert er of gott fyrir makker,“ er séríslensk útlegging á því varnarráði að ekkert skuli til sparað í þriðju hendi (third hand high). Almennt er þetta gott ráð, en ekki alltaf.

Vestur spilar út spaðasjöu (fjórða hæsta) gegn 3G, sagnhafi lætur lítið í borði og austur veður upp með drottninguna, eins og til er ætlast. Suður drepur, tekur ♥ÁG og spilar tígli. Og viti menn – einhverra hluta vegna tekur vörnin ekki alla slagina sína á spaða og spilið vinnst.

Stífla var það heillin. Austur þarf að brjóta boðorðið um „hátt í þriðju“ og láta lítinn spaða í fyrsta slaginn – spara drottninguna sem innkomu á fimmta spaðann. Vissulega erfið vörn, en rökrétt, því út frá 11-reglunni sér austur að sagnhafi á bara eitt spil yfir sjöunni.

Það er svo annað mál að austur ræður ekkert við stöðuna ef sagnhafi stingur upp spaðatíu blinds í byrjun.