Syndir varnarinnar. S-Allir Norður &spade;3 &heart;Á109543 ⋄632...

Syndir varnarinnar. S-Allir

Suður spilar 4♥.

S.J. Simon segir að syndir varnarinnar séu þrjár helstar: (1) að taka of snemma á ás, (2) bretta upp ermar þegar rétt er að bíða átekta, (3) upplýsandi hik í viðkvæmri stöðu. Greining hans á snemmtöku ása lifir í bridsbókmenntunum í frasanum fræga „Duck like a man!“

Lesandinn er í austur í vörn gegn 4♥. Makker spilar út laufkóng, sem sagnhafi drepur og leggur niður hjartaás. Spilar svo spaða. Ertu maður eða mús?

Mýslurnar, sem Simon er að tala til, fara ein af annarri upp með ásinn og fría með því spaðahjónin sem niðurköst fyrir tígul. Hughraustir menn – konur sem karlar – dúkka, og skipta þannig á einum spaðaslag og tveimur á tígul.

„Þetta er ekki flókið,“ segir Simon: „Tilgangur ása í lífinu er að drepa kónga, ekki tvista og þrista. Sýndu manndóm og dúkkaðu!“