Á einni viku er hraunið á góðri leið með fylla einn af Geldingadölunum. Gígurinn er heldur ekki langt frá sömu hæð og nærliggjandi fell. Mannfólkið við hraunið er eins og maurar á þúfu.
Á einni viku er hraunið á góðri leið með fylla einn af Geldingadölunum. Gígurinn er heldur ekki langt frá sömu hæð og nærliggjandi fell. Mannfólkið við hraunið er eins og maurar á þúfu. — Morgunblaðið/Árni Sæberg
Aðdráttarafl hraunsins er mikið en betra að fara varlega.
Sumir stytta sér leið með þyrlu og láta flugmanninn taka af sér mynd.
Þó að gosið teljist ekki orðið stórt miðað við mörg önnur hér á landi þá er það myndrænt, ekki síst að kvöldi til líkt og hér síðastliðið fimmtudagskvöld þegar ljósmyndari var á ferð.
[ Smellið til að sjá stærri mynd ]
Frá því jörðin opnaðist á Reykjanesskaga kl. 20:45 föstudagskvöldið 19. mars hefur eldgosið laðað til sín fjölda fólks, sem skiptir orðið þúsundum eins og frá er greint framar í blaðinu. Skiptir þá litlu hvort fólk hefur farið að nóttu eða degi.

Frá því jörðin opnaðist á Reykjanesskaga kl. 20:45 föstudagskvöldið 19. mars hefur eldgosið laðað til sín fjölda fólks, sem skiptir orðið þúsundum eins og frá er greint framar í blaðinu. Skiptir þá litlu hvort fólk hefur farið að nóttu eða degi. Alltaf blasir við ný og ný sviðsmynd, eins vinsælt og það orð hefur verið undanfarnar vikur og mánuði í jarðhræringunum á Reykjanesskaga.

Fram undan eru fjölmörg tækifæri til að ná myndum af gosinu, sem vísindamenn telja að geti haldið áfram árum saman. Hið sérstaka við þetta eldgos er að það er nánast í túnfæti byggðar á suðvesturhorni landsins, þar sem stærstur hluti þjóðarinnar býr. Hafi fólk ekki séð eldgos áður er komið kjörið tækifæri til að standa í návígi við glóandi hraunið og taka af sér mynd í leiðinni.