Óvænt þróun. S-NS
| Norður | |
| ♠75 | |
| ♥K | |
| ♦DG95 | |
| ♣Á109762 |
| Vestur | Austur |
| ♠642 | ♠K1083 |
| ♥1098654 | ♥ÁDG72 |
| ♦7 | ♦10863 |
| ♣853 | ♣-- |
| Suður | |
| ♠ÁDG9 | |
| ♥3 | |
| ♦ÁK42 | |
| ♣KDG4 |
Suður spilar 6♦ doblaða.
Brad Moss opnaði á Standard-tígli með sterku þrílita höndina í suður og makker hans, Joe Grue, kaus að hækka eðlilega í 2♦. Sögnin er krafa og áætlun Grues var að segja 3♦ í næsta hring og sýna þannig 9-11 punkta.
En margt fer öðruvísi en ætlað er. Jón Baldursson í austur kom inn á 2♥ og Moss stökk í 4♥ – ekki stuttlitur (splinter) heldur spurning um lykilspil. Einar Guðjohnsen í vestur stal rými með 5♥, sem Grue passaði og gaf þannig til kynna eitt lykilspil (laufásinn). Allt á hreinu hjá þeim félögum og Moss sagði 6♦, fullur sjálfstrausts. En þá doblaði Jón úr austrinu.
Doblið var beiðni til makkers um að huga vel að útspilinu og spila alls ekki út hjarta. Einar reyndist vandanum vaxinn, valdi lauf frekar en spaða, enda ólíklegt að NS hefðu getað þagað yfir tíu spila-fitti í spaða.
Til baka
Leita í greinasafni
Prenta grein
