Páll Vilhjálmsson rifjar upp brot Helga Seljan á siðareglum RÚV:
Helgi taldi sig mega flétta saman gildisdómum og fréttum. Þegar hallaði á Helga í héraði tók hagsmunahópurinn RÚV málið upp á alþingi götunnar.
Bubbi Morthens fékk rauðan dregil fyrir fésbókarfærslu. Með íhygli fræðimannsins komst poppsöngvarinn að þeirri niðurstöðu að Helgi færi með „nakinn sannleika“. Samherjaböggið varð heilagur sannleikur í meðförum Bubba.“
Næst sagði PV frá virkjun pírata í þágu glataðs málstaðar: „„Fordæmalaust túlkunarstríð“ heitir það á píratísku og þykir vont að hráar fjölmiðlalygar fái ekki viðtöku sem sannindi.“
Niðurstaða „RÚV“ og Bubba bloggara var: „Það sem slær mann sérstaklega er þögn þingmanna.“ Hvaða þingmenn munu nema skilaboðin og gleypa fluguna? „Fjölmiðill sem skilur ekki muninn á áróðri og frétt er siðferðilega og faglega gjaldþrota,“ segir PV réttilega.
Forðum tíð hjólaði Helgi Seljan opinberlega og með þjósti í þáverandi útvarpsstjóra, sem var á förum úr sínum stól. „RÚV“-Helgi krafðist svara frá útvarpsstjóranum um innri mál RÚV. Páll M. brást snöfurmannlega við, enda átti Helgi lítið inni, en hann gerði þó enn hróp að Páli. Viðbrögðin gleymast seint: „Þú ættir að skammast þín, þú ert óþverri,“ og virtist bæta við að Helgi væri skíthæll. Helgi sagði viðbrögð Páls barnaleg. Páll: „Það er skárra að vera barn en skíthæll.“