Útmeldaður.

Útmeldaður. V-NS

Norður
♠K652
♥752
♦G863
♣65

Vestur Austur
♠ÁD8 ♠10
♥G106 ♥8
♦754 ♦ÁKD1092
♣ÁD92 ♣KG1087

Suður
♠G9743
♥ÁKD943
♦--
♣43

Suður spilar 4♠ doblaða.

Átti Dennis Bilde fyrir annarri sögn eða hafði hann þegar sagt frá öllu sínu? Hann sat í austur og svaraði Standard-laufopnun Agustin Madala rólega með 1♦. Michal Klukowski í suður kom inn á 1♥ og sú sögn gekk óhreyfð til Bilde. Hvað nú?

Dobl hefði verið til úttektar, en Bilde vildi ekki sitja í vörninni í dobluðum örbút og krafði með 2♥. Klukowski skaut inn 2♠ og Jacek Kalita í norður hækkaði í 3♠ eftir pass frá Madala. Bilde sagði 4♣, Klukowski 4♠ og Madala doblaði – pass og pass til Bilde. Stóra stundin.

Bilde leit svo á að hann hefði lýst öllu sínu og passaði. Út kom tígull, sem Klukowski trompaði og spilaði spaða á kóng. Svo hjarta fjórum sinnum og henti laufi úr borði. Tíu slagir.

Á hinu borðinu spiluðu AV 6♦ og unnu. Sveifla upp á 17 stig.