Hvar í ósköpunum væri heimurinn án Kiss?
Hvar í ósköpunum væri heimurinn án Kiss? — Reuters
Glys Doc McGee, umboðsmaður glyströlla allra glyströlla, Kiss, fór mikinn í hlaðvarpsþættinum Rob's School Of Music vestur í Bandaríkjunum á dögunum.
Glys Doc McGee, umboðsmaður glyströlla allra glyströlla, Kiss, fór mikinn í hlaðvarpsþættinum Rob's School Of Music vestur í Bandaríkjunum á dögunum. Bandið goðsagnakennda bíður þess nú að leggja upp í lokalokalokatúr sinn um heimsbyggðina en McGee lítur þó alls ekki á það sem upphafið að endalokunum. „Kiss er Kiss. Fólk vill sjá 007. Mikki Mús er orðinn hundrað ára. Ég er ekki í vafa um að Kiss verður eitt af þessum eilífu fyrirbrigðum,“ sagði hann án þess að blikna og lofaði því jafnframt að Ace Frehley myndi skjóta upp kollinum á lokalokalokatúrnum og jafnvel Peter Criss líka.