Náðst hefur samkomulag um að stefna að þinglokum í dag, þetta staðfestir Birgir Ármannsson, þingflokksformaður Sjálfstæðisflokksins. Fundað var fram eftir í gærkvöldi og heldur þingfundur áfram í dag.

Náðst hefur samkomulag um að stefna að þinglokum í dag, þetta staðfestir Birgir Ármannsson, þingflokksformaður Sjálfstæðisflokksins. Fundað var fram eftir í gærkvöldi og heldur þingfundur áfram í dag. Komi ekkert óvænt upp á má reikna með að þingi ljúki í dag.

Miðað við þann málalista sem unnið hefur verið eftir er ljóst að mörg stjórnarfrumvörp munu ekki ná afgreiðslu. Sem dæmi má nefna frumvarp félagsmálaráðerra um málefni innflytjenda og málefni heilbrigðisráðherra um réttindi sjúklinga þar sem fjallað er um margvíslegar þvinganir í heilbrigðiskerfinu.

Hálendisþjóðgarðurinn verður ræddur að sögn Birgis en frumvarpið verður ekki afgreitt heldur verður því vísað til ríkisstjórnarinnar til frekari vinnu.

Þrátt fyrir það verða tugir mála afgreiddir í dag.