Hamagangur Hilmir Snær Guðnason kemur út úr partíbílnum með látum. Bergsteinn Björgúlfsson kvikmyndatökustjóri myndar hamaganginn og ekki annað að sjá en að hann hafi gaman af.
Hamagangur Hilmir Snær Guðnason kemur út úr partíbílnum með látum. Bergsteinn Björgúlfsson kvikmyndatökustjóri myndar hamaganginn og ekki annað að sjá en að hann hafi gaman af.
Flugnager Bergsteinn (lengst til hægri) leiðbeinir sínu fólki við tökur í vikunni. Greinarnar á höfði fólks eru til að losna við flugurnar sem mikið var af þennan dag í Aðaldal.
Einbeittir Leikararnir Halldór Gylfason, Hilmir Snær Guðnason og Gunnar Helgason hlusta í andakt á Bergstein Björgúlfsson kvikmyndatökustjóra. Ekki fylgir sögunni um hvað Bergsteinn var að tala en mögulega var það lax.
Vangaveltur Guðmundur Garðarsson, Örn Marinó Arnarson, Þorkell Harðarson og Bergsteinn íhuga stöðu mála.
Læti Hilmir Snær, Halldór Gylfason og Þröstur Leó Gunnarsson í einhvers konar átökum, að því er virðist.
Drekkutími Sigurður Sigurjónsson, Hilmir, Halldór, Þorsteinn Bachmann og Jóhann Sigurðarson fá sér hressingu.
[ Smellið til að sjá stærri mynd ]
Allra síðasta veiðiferðin , framhaldsmynd hinnar vinsælu gamanmyndar Síðasta veiðiferðin , er nú í tökum í Laxá í Aðaldal og gengur mikið á, eins og sjá má af meðfylgjandi ljósmyndum.
Allra síðasta veiðiferðin , framhaldsmynd hinnar vinsælu gamanmyndar Síðasta veiðiferðin , er nú í tökum í Laxá í Aðaldal og gengur mikið á, eins og sjá má af meðfylgjandi ljósmyndum.

Leikstjórar myndarinnar, líkt og þeirrar fyrri, eru Örn Marinó Arnarson og Þorkell Harðarson sem framleiða hana einnig og skrifuðu handritið og kvikmyndatökustjóri er Bergsteinn Björgúlfsson, jafnan kallaður Besti.

Með aðalhlutverk fara Þorsteinn Bachmann, Sigurður Sigurjónsson, Hilmir Snær Guðnason, Halldór Gylfason, Þröstur Leó Gunnarsson, Sigurður Þór Óskarsson, Jóhann Sigurðarson, Gunnar Helgason, Halldóra Geirharðsdóttir, Ylfa Marin Haraldsdóttir og Edda Björg Eyjólfsdóttir og eru aðalleikarar því að mestu leyti þeir sömu og í fyrri mynd.