ÁSKIRKJA | Guðsþjónustur í Laugardalsprestakalli í sumar verða í Laugarneskirkju kl. 11 alla sunnudaga frá 13. júní til 8. ágúst. Sunnudaginn 20. júní kl. 11 prédikar séra Sigurður Jónsson í Laugarneskirkju og þjónar þar fyrir altari ásamt Jóhönnu Maríu Eyjólfsdóttur, djákna Ássafnaðar. Bjartur Logi Guðnason leikur á orgelið og félagar úr Kór Áskirkju leiða safnaðarsönginn. Næsta guðsþjónusta í Áskirkju verður sunnudaginn 15. ágúst 2021. Guðsþjónusta á hjúkrunarheimilinu Skjóli sunnudag 20. júní kl. 13.
ÁSTJARNARKIRKJA | Hjólreiðamessa. Fólk safnast saman fyrir utan Ástjarnarkirkju kl. 9:30, syngur einn sálm og hjólar síðan á milli kirknanna í Hafnarfirði. Endað í guðsþjónustu í Garðakirkju kl. 11 sem prestarnir sr. Hans Guðberg Alfreðsson prófastur og sr. Elínborg Gísladóttir sóknarprestur annast. Sunnudagaskóli fyrir börnin verður á sama tíma. Boðið verður upp á kirkjukaffi með dagskrá og góðu samfélagi á eftir guðsþjónustu.
BESSASTAÐASÓKN | Sumarmessur í Garðakirkju alla sunnudaga kl. 11. Bessastaðasókn tekur þátt í Sumarmessunum. Sjá Garðakirkja hér á síðunni.
BÚSTAÐAKIRKJA | Kvöldmessa á sunnudaginn kl. 20. Þetta er messa með breyttu formi í tali og tónum, létt og notaleg stemning. Tónlistarflutning annast félagar úr Kammerkór Bústaðakirkju ásamt Jónasi Þóri kantor. Séra Eva Björk Valdimarsdóttir þjónar ásamt messuþjónum.
DÓMKIRKJAN | Messa klukkan 11. Prestur séra Elínborg Sturludóttir, Kári Þormar dómorganisti. Dómkórinn syngur.
FELLA- og Hólakirkja | Gönguguðsþjónusta Breiðholtssafnaða. Gengið verður frá Seljakirkju kl. 10 yfir í Fella- og Hólakirkju þar sem guðsþjónustan hefst kl. 11. Sr. Pétur Ragnhildarsson prédikar og þjónar fyrir altari, Kór kirkjunnar syngur. Organisti Arnhildur Valgarðsdóttir. Kristín Gyða Hrafnkelsdóttir leikur á selló og Ingunn Sigurðardóttir syngur einsöng. Messukaffi og skemmtilegt samfélag að guðsþjónustu lokinni. Njótum þess að vera samferða á sunnudaginn í kirkjuna.
FRÍKIRKJAN Hafnarfirði | Sumarmessur í Garðakirkju, alla sunnudaga kl. 11. Fríkirkjan tekur þátt í Sumarmessunum. Sjá Garðakirkja hér í síðunni.
FRÍKIRKJAN Reykjavík | Guðsþjónusta sunnudaginn 20. júní kl. 14. Séra Hjörtur Magni Jóhannsson safnaðarprestur leiðir stundina.
Sönghópurinn við Tjörnina og hljómsveitin Mantra flytja ljúfa og fallega tónlist undir stjórn Gunnars Gunnarssonar organista.
GARÐAKIRKJA | Hjólreiðamessa, sunnudagaskóli og ferming.
Hjólreiðamessa – lagt af stað frá Ástjarnar- og Vídalínskirkju kl. 9:30.
Messa kl. 11 í Garðakirkju og sumarsunnudagaskóli í vinnustofunni á Króki. Sr. Elínborg Gísladóttir prédikar og þjónar fyrir altari. Barn verður fermt. Organisti er Ástvaldur Traustason sem leiðir einnig almennan safnaðarsöng. Eftir messu er boðið upp á kaffi í hlöðunni á Króki og kór eldri borgara Bessastaðakirkju syngur nokkur lög. Guðsþjónustunni streymt á Facebook-síðunni.
GRAFARVOGSKIRKJA | Fermingarathafnir verða í Grafarvogskirkju: Laugardaginn 19. júní kl. 10:30, 12 og 13:30. Sunnudaginn 20. júní kl. 10:30, 12 og 13:30. Prestar safnaðarins þjóna. Kór Grafarvogskirkju leiðir söng. Organisti er Hákon Leifsson.
GRENSÁSKIRKJA | Guðsþjónusta á sunnudaginn kl. 11. Organisti er Ásta Haraldsdóttir, félagar úr kór Grensáskirkju leiða almennan messusöng, létt stemning og sumarleg. Séra Eva Björk Valdimarsdóttir þjónar.
GRUND dvalar- og hjúkrunarheimili | Guðsþjónusta í umsjón Félags fyrrum þjónandi presta klukkan 14 í hátíðasal Grundar. Prestur er sr. Örn Bárður Jónsson. Félagar úr Grundarkór leiða söng undir stjórn Kristínar Waage organista.
GUÐRÍÐARKIRKJA í Grafarholti | Kvöldguðsþjónusta sunnudaginn 20. júní kl. 20. Prestur, sr. Pétur Ragnhildarson, prédikar og þjónar fyrir altari. Tónlistarflutningur í umsjá Ásbjargar Jónsdóttur. Kirkjuvörður Lovísa Guðmundsdóttir. Kaffisopi í boði eftir messuna.
HAFNARFJARÐARKIRKJA | Sumarmessur í Garðakirkju, alla sunnudaga kl. 11, júní - ágúst. Hafnarfjarðarkirkja tekur þátt í Sumarmessunum. Sjá Garðakirkja hér á síðunni. Hjólað til messu 20. júní frá kirkjum í Hafnarfirði og Garðabæ og verður lagt af stað frá Hafnarfjarðarkirkju kl. 10.
HALLGRÍMSKIRKJA | Guðsþjónusta kl. 11. Sr. Irma Sjöfn Óskarsdóttir prédikar og þjónar fyrir altari. Messuþjónar aðstoða. Vox feminae syngur og leiðir söng. Organisti er Björn Steinar Sólbergsson.
HÁTEIGSKIRKJA | Guðsþjónusta kl. 11. Félagar í Kordíu, kór Háteigskirkju, leiða sönginn. Oranisti er Guðný Einarsdóttir. Prestur er Eiríkur Jóhannsson.
Hjúkrunarheimilið Skjól | Guðsþjónusta kl. 13. Prestur séra Sigurður Jónsson. Organisti Bjartur Logi Guðnason. Almennur söngur.
LINDAKIRKJA í Kópavogi | Kl. 11 Sunnudagaskóli. Kl. 20 Messa. Óskar Einarsson og Katrín Valdís Hjartardóttir sjá um tónlistina. Sr. Dís Gylfadóttir þjónar.
SELJAKIRKJA | Gönguguðsþjónusta Breiðholtssafnaðanna. Gengið frá Seljakirkju kl. 10 til guðsþjónustu í Fella- og Hólakirkju kl. 11, ath. ekki verður guðsþjónusta í Seljakirkju en hvatt til þátttöku í gönguguðsþjónustunni.
SELTJARNARNESKIRKJA | Guðsþjónusta kl. 11. Sóknarprestur þjónar. Organisti kirkjunnar leikur á orgelið. Félagar úr Kammerkórnum syngja. Kaffiveitingar og samfélag eftir athöfn í safnaðarheimilinu.
SKÁLHOLTSDÓMKIRKJA | Messa kl. 11. Sr. Óskar Hafsteinn Óskarsson þjónar fyrir altari. Organisti Jón Bjarnason.
VÍDALÍNSKIRKJA | Sumarmessur í Garðakirkju alla sunnudaga kl. 11.
Vídalínskirkja tekur þátt í Sumarmessunum.
Sjá Garðakirkja hér í síðunni.
VÍÐISTAÐAKIRKJA í Hafnarfirði | Sumarmessur í Garðakirkju alla sunnudaga kl. 11. Víðistaðakirkja tekur þátt í Sumarmessunum. Sjá Garðakirkju hér á síðunni.
Til baka
Leita í greinasafni
Prenta grein
