Enginn asni. S-Allir Norður &spade;K54 &heart;ÁKG84 ⋄85 &klubs;652...

Enginn asni. S-Allir

Suður spilar 6G.

„Með gaffla í öllum litum ákvað ég breyta í gröndin. Ég er ekki alvitlaus þótt ég sé fyrst og fremst rúbertuspilari,“ skrifar James S. Kauder, sem aldrei þessu vant var staddur í tvímenningskeppni í stóru landsmóti. Hann opnaði á 2G og makker hans keyrði í 6♥ eftir yfirfærslu. En Kauder breytti í 6G út á keppnisformið og gafflana. Spaðagosinn út.

Spaðinn fellur ekki en svíningarnar í láglitunum ganga báðar og skila sagnhafa öllum slögunum, hvort heldur í hjörtum eða gröndum. En eðlið er sterkt og Kauder sá leið til að tryggja tólf slagi í vondri legu. Hann tók þrisvar hjarta og sendi vestur inn á fjórða spaðann.

Út af fyrir sig glæsilega spilað og hárrétt í rúbertubrids. En það er ekkert gefið aukalega fyrir öryggið í tvímenningi og Kauder fékk botn fyrir snilldina.