Brostnar vonir. S-Allir
Norður | |
♠D109765 | |
♥2 | |
♦K4 | |
♣10874 |
Vestur | Austur |
♠KG4 | ♠Á3 |
♥D985 | ♥G4 |
♦DG7 | ♦1096532 |
♣G53 | ♣962 |
Suður | |
♠82 | |
♥ÁK10763 | |
♦Á8 | |
♣ÁKD |
Suður spilar 6♣.
Besta bók Mikes Lawrence fjallar um tvímenning. Hann spilar stutt mót með félaga sínum „Alex“ og lýsir hugsun sinni við borðið (Play Bridge with Mike Lawrence, 1983). Það er ekki toppur í hverju spili.
Mike er í suður og opnar á 1♥, Standard. Alex svarar á 1♠ og setur okkar mann í nokkurn vanda: „Of mikið í 3♥, of lélegur hjartalitur í 3G,“ hugsar hann og ákveður að krefja með 3♣. Alex segir 3♠. Hvað nú?
Ekki virðist fráleitt að hækka í 4♠ en Mike prófar 3G. Alex segir 4♣, Mike 4♥ (enn vill hann ekki styðja makker) og Alex 5♣. „Úff,“ hugsar Mike og lyftir í 6♣: „Maður spilar ekki fimm í láglit í tvímenningi.“
Mike sleppur einn niður með því að trompa hjarta tvisvar í borði (með tíunni í síðara skiptið) og uppsker 4 stig af 24 fyrir vandvirknina. „Ég var að gera mér vonir um 6 stig.“