Fulltrúar ferðaþjónustunnar mótmæla fyrir utan þinghúsið í Lundúnum. Tilgangurinn var að hvetja stjórnvöld til að styðja við bakið á millilandaferðum almennings í tæka tíð fyrir mesta álagstímann sem nú ætti að fara í hönd.
Fulltrúar ferðaþjónustunnar mótmæla fyrir utan þinghúsið í Lundúnum. Tilgangurinn var að hvetja stjórnvöld til að styðja við bakið á millilandaferðum almennings í tæka tíð fyrir mesta álagstímann sem nú ætti að fara í hönd. — AFP
Fátt hefur verið um manninn á hinni vinsælu ferðamannaströnd Patong í Phuket undanfarna mánuði. Það gæti þó farið að rofa til en stjórnvöld í Taílandi samþykktu í vikunni að hleypa ferðamönnum aftur þangað án þess að þeir þurfi að fara í sóttkví við komuna. Það er fyrsta skrefið í átt að endurreisn efnahags landsins sem farið hefur illa út úr faraldrinum.
Þessi mynd er úr farþegasal flugvallar, ef einhver skyldi vera búinn að gleyma hvernig slíkt rými lítur út. Hún er tekin á John F. Kennedy-flugvellinum í New York á dögunum en líf er heldur að færast þar í tuskurnar eins og víðar.
Eitt frægasta kennileiti heims, sjálfur Eiffelturninn, er enn á sínum stað og bíður í eftirvæntingu eftir að gestum og gangandi fjölgi í París.
Þetta fólk lét fara vel um sig fyrir framan gosbrunninn á flugvellinum í Singapúr í vikunni en hann ber það tígulega nafn Jewel Changi. Ekki fylgdi sögunni hvert það var að fara. Yfirvöld þar hafa verið að slaka á í áföngum að undanförnu.
[ Smellið til að sjá stærri mynd ]
Heimurinn er smám saman að lifna við á ný eftir faraldur kórónuveirunnar. Og hvað vilja menn gera þá? Jú, auðvitað ferðast. Hömlur eru mismiklar eftir löndum og heimsálfum en víða er ferðaþjónustan að taka við sér. Orri Páll Ormarsson orri@mbl.is