Vill að Pútín beiti sér gegn tölvuþrjótum

Joe Biden Bandaríkjaforseti ræddi við Vladimír Pútín Rússlandsforseta í gær símleiðis og sagði honum að „grípa til aðgerða“ gegn tölvuþrjótum sem starfi nú óáreittir innan Rússlands og beiti fjárkúgunarhugbúnaði.

Hét Biden því einnig að Bandaríkin myndu grípa til allra nauðsynlegra aðgerða til þess að verja sig og innviði sína fyrir slíkum netárásum, en árásin á Kaseya í vikunni hefur haft víðtækar afleiðingar í för með sér.