Á króknum. N-AV Norður &spade;4 &heart;KD93 ⋄ÁD642 &klubs;754...

Á króknum. N-AV

Suður spilar 3G.

„Þú varst með Gaukinn á króknum,“ sagði Alli og fékk sér nettan sopa af Diet Coke. TAB hefur ekki sést lengi.

Precisiongengið var með æfingu á Realbridge – Alli, Gaukur, Láki og Haukur. Þorlákur Jónsson opnaði á 1♦, Sverrir Gaukur Ármannsson kom inn á 1♠ og Haukur Ingason stökk í 3G „í þeirri von að spaðaáttan væri einhvers virði“.

Aðalsteinn Jörgensen spilaði út spaðagosa, svo tíu og hundi. Þá loks drap Haukur og spilaði litlum tígli á ÁS! Nákvæmt, því tígulkóngur þarf helst að vera þriðji réttur og þá kostar ekkert að taka fyrst á ásinn.

Haukur tók á tígulgosann, fór inn í borð á hjarta, og spilaði litlum tígli. Alli sótti litinn til baka, Haukur drap og spilaði enn tígli! Gaukur var nú kominn á krókinn með þrjú hjörtu og hæsta spaða og hefði með réttu átt að þvingast í næsta slag. En þá kom í ljós að spaðaátta suðurs var farin að heiman.