Gunnar Hákonarson, framkvæmdastjóri Kolaportsins, segir Hafnarþorpið munu samanstanda af Kolaportinu, nýju markaðs- og viðburðatorgi og endurgerðum matarmarkaði. Þá verði matartorg með fjölbreyttu úrvali á veitingastað og svið fyrir hvers kyns viðburði.
Söluborðin á markaðstorginu verða færanleg og þannig myndast rými fyrir hvers kyns viðburði. Þá meðal annars veislur, brúðkaup og Iceland Airwaves-tónleikahátíðina.
Með þessum breytingum á að auka fjölbreytni í verslun í Hafnarþorpinu og styrkja það í sessi sem viðkomustað í borgarlífinu.
Meðal fjölsóttustu staða
Gunnar segir tekið mið af markaðstorgum erlendis sem séu meðal vinsælustu áfangastaða. Þar megi nefna til dæmis hinn fjölsótta Time Out-markað í Lissabon.Gunnar hefur fengið fjárfesta í lið með sér í þessu verkefni.
Meðal þeirra eru hjónin Kristbjörg Jónasdóttir og Aron Einar Gunnarsson, fyrirliði karlalandsliðsins í knattspyrnu, en þau hafa m.a. fjárfest í hótelrekstri og húðvörum undir merkjum AK Pure Skin.
Opinn fyrir fjárfestingu
Aron Einar segist í samtali við ViðskiptaMoggann ekki útiloka frekari fjárfestingu í miðborginni.„Við ætlum að byrja á þessu. Svo sjáum við hvað gerist í framhaldinu, en sem stendur einbeitum við okkur að þessu verkefni,“ segir Aron um Hafnarþorpið.
Til baka
Leita í greinasafni
Prenta grein