Gagnlegt dæmi. N-Allir
Norður | |
♠92 | |
♥65 | |
♦ÁKD43 | |
♣ÁK54 |
Vestur | Austur |
♠D7 | ♠K65 |
♥107 | ♥ÁKD982 |
♦109872 | ♦G5 |
♣G962 | ♣108 |
Suður | |
♠ÁG10843 | |
♥G43 | |
♦6 | |
♣D73 |
Suður spilar 4♠.
Allir þekkja þessa stöðu: Verjandi liggur með K10x í trompi á eftir ÁDG9xx sækjanda. Lit er spilað sem hvorugur á og sækjandi trompar með gosa eða drottningu. Nú er rétt að henda í slaginn og byggja þannig upp slag á tíuna.
Þetta er auðvelt af því verjandinn horfir á tíuna á eigin hendi. Hann þarf enga hjálp frá makker – hann SÉR að tían verður slagur ef hann yfirtrompar ekki. Staðan að ofan er allt öðru vísi. Norður opnar á tígli og austur kemur inn á hjartasögn. Síðan liggur leiðin í 4♠ með hjartatíu út. Austur tekur tvo slagi á litinn og spilar háhjarta í þriðja sinn. Og vestur á leikinn.
Þetta er sennilega nytsamasta dæmi Jean Besse um mikilvægi þess að gæta vel að trompunum sínum í vörninni. Ef vestur trompar með drottningunni verður hægt að svína tvisvar fyrir kóng austurs. Annars fást alltaf tveir slagir á hjónin.